ខេត្តសៀមរាប
ខេត្តសៀមរាបនៅភាគខាងពាយ័ព្យនៃប្រទេស គឺជាខេត្តមួយដែលអរិយធម៌ និង វប្បធម៌ចំនាស់មួយក្នុងចំនោមបណ្តាលខេត្តក្នុងប្រទេសកម្ពុជា ហើយក៏ជាតំបន់ទេសចរណ៍សំខាន់មួយដែលបានទាក់ទាញភ្ញៀវទេចរណ៍ជាច្រើនក្នុងមួយឆ្នាំៗពិសេសគឺភ្ញៀវទេសចរអន្តរជាតិ។ ខេត្តសៀមរាបមានផ្ទៃក្រឡាសរុប ១០២៩០គីឡូម៉ែត្រការេ និងមានចំងាយ ៣១៤គីឡូម៉ែត្រពីរាជធានីភ្នំពេញតាមផ្លូវជាតិលេខ៦។
រមណីយដ្ឋានទេសចរណ៍សំខាន់ៗក្នុងខេត្តសៀមរាប
ប្រាសាទអង្គរវត្ត
ប្រាសាទអង្គរវត្តជាប្រាសាទដ៏ប្រណិតមួយប្រចាំខេត្តសៀមរាបដែលស្ថិតក្នុងស្រុកសៀមរាបគឺនៅខាងជើងនៃក្រុងសៀមរាម។ ប្រាសាទអង្គរវត្តត្រូវបានសាងសង់ឡើងក្នុងដើមសតវត្សរ៍ទី១២ដើម្បីឧទ្ទិសថ្វាយដល់ព្រះវិស្ណុក្នុងព្រហ្មមសាសនា ហើយប្រាសាទអង្គរវត្តមានកំពស់ ៦៥ម៉ែត្រនិងមានក្រឡាផ្ទៃប្រហែល ២០០ហិចតា រាងជាចតុកោណកែង ដែលព័ទ្ធជុំវិញដោយកំពែង និងគូរទឹក។
ភ្នំបាខែង
ភ្នំបាខែងជាកន្លែងដែលទាក់ទាញភ្ញៀវទេសចរជាច្រើនមកទស្សនាសំរាប់ពេលថ្ងៃលិចដោយយើងអាចឃើញទេសភាពព្រៃឈើបៃតង និងប្រាង្គប្រាសាទអង្គរវត្តដ៏ស្រស់ស្អាតពីលើកំពួលភ្នំ។ ភ្នំបាខែងមានកំពស់ ៦៥ម៉ែត្រ ប្រាសាទភ្នំបាខែងជាប្រាសាទដែលស្ថិតលើភ្នំបាខែង ត្រូវបានសាងសង់ឡើងក្នុងចុងសតវត្សរ៍ទី៩ និងដើមសតវត្សរ៍ទី ១០។
ប្រាសាទបាយ័ន
ប្រាសាទបាយ័នជាប្រាសាទស្ថិតនៅចំកណ្តាលនៃអង្គរធំដែលជាទីក្រុងចុងក្រោយបង្អស់នៃសម័យអង្គររហូតដល់សតវត្សរ៍ទី១៥របស់អាណាចក្រខ្មែរដ៏អស្ចារ្យ។ ប្រាសាទបាយ័នត្រូវបានសាងសង់ឡើងក្នុងចុងសតវត្សរ៍ទី១២ និងដើមសតវត្សរ៍ទី១៣។
ប្រាសាទបន្ទាយស្រី
ប្រាសាទបន្ទាយស្រីជាប្រាសាទមួយដែលក្បាច់រចនាល្អប្រណិតស្ថិតក្នុងភូមិបន្ទាយស្រី ស្រុកបន្ទាយស្រីមានចំងាយប្រមាណ ៣២គីឡូម៉ែត្រពីក្រុងសៀមរាប។ ប្រាសាទបន្ទាយស្រីត្រូវបានសាងសង់ឡើងនៅពាក់កណ្តាលនៃសតវត្សរ៍ទី១០ដើម្បីឧទទ្ទិសដល់ព្រហ្មមញ្ញសាសនា។
ភ្នំគួលេន
ភ្នំគូលេនស្ថិតក្នុងស្រុក ស្វាយលើ និងស្រុកវ៉ាវិន ដែលមានចំងាយ ៦០គីឡូម៉ែត្រពីក្រុងសៀមរាប និងប្រហែល ២៥គីឡូម៉ែត្រពីប្រាសាទបន្ទាយស្រី។ នៅលើភ្នំមានកន្លែងសំរាប់ភ្ញៀវទេសចរដូចជា ជប់ព្រះ លិង្គ១០០០ ស្រះដំរី ព្រះលានស្តេចគំលង់ ព្រះអង្គធំ និង ទឹកធ្លាក់ភ្នំគូលេន។
ខេត្តសៀមរាបមានប្រាសាទជាច្រើនទៀតដូចជាប្រាសាទក្នុងវង់តូច វង់ធំ និងប្រាសាទនៅតំបន់ផ្សេងៗទៀត ក្រៅពីរមណីយដ្ឋានប្រវត្តិសាស្ត្រទាំងនោះហើយខេត្តសៀមរាបនៅមានរមណីយដ្ឋាន សំរាប់ភ្ញៀវទេសចរទស្សនាកំសាន្តផ្សេងទៀតដួចជាភូមិបណ្តែតទឹក ភូមិវប្បធម៌ សារមន្ទី ជំរកសត្វស្លាប់ និងទេសភាពតាមដងទន្លេសាប់៕
No comments:
Post a Comment