 |
| រូបសំណាក់តាដំបងក្រូញូងកាលពីដើម |
ខេត្តបាត់ដំបងជាខេត្តដែលផលិតស្រូវច្រើនជាងគេក្នុងចំណោមខេត្តក្រុងទាំងអស់ក្នុងប្រទេសកម្ពុជាដែលមានផ្ទៃក្រឡាសរុប ១១៧០២គីឡូម៉ែត្រការេ និងមានចំងាយ ២៩១គីឡូម៉ែត្រពីរាជធានីភ្នំពេញតាមផ្លូវជាតិលេខ៥។
រមណីយដ្ឋានទេសចរណ៍សំខាន់ៗក្នុងបាត់ដំបង
ប្រាសាទបាណន់ស្ថិតក្នុងឃុំកន្ទី២ ស្រុកបាណន់ នៅលើកំពូលភ្នំបាណន់ដែលមានកំពស់ប្រមាណ ៤០០ម៉ែត្រ និងមានចំងាយ ២៥គីឡូម៉ែត្រពីទីរួមខេត្តបាត់ដំបង។ ហើយនៅលើភ្នំមានស្រះបុរាណមួយដែលមានទឹកទាំងរដូវប្រាំង និងរដូវវស្សា ប្រាសាទភ្នំបាណន់ត្រូវបានសាងសង់ឡើងក្នុងពាក់កណ្តាលសតវត្សរ៍ទី១១ និងចុងសតវត្សរ៍ទី១២។
ប្រាសាទស្នឹង
ប្រាសាទស្នឹងស្ថិតក្នុងបរិវាណវត្ត ស្នឹង ឃុំស្នឹង ស្រុកបាណន់ ដែលមានចំងាយ ២២គីឡូម៉ែត្រពីទីរួមខេត្ត ដោយប្រាសាទនេះចែកចេញជាពីរគឺ ប្រាសាទស្នឹងខាងកើត និងស្នឹងខាងលិច ដែលត្រូវសាងសង់ឡើងក្នុងសតវត្សទី១២។
ប្រាសាទបាសែត
ប្រាសាទបាសែតមានទីតាំងក្នុងភូមិបាសែត ឃុំតាប៉ុន ស្រុកសង្កែរ ដែលចំងាយ ១៥គីឡូម៉ែត្រពីទីរួមខេត្ត ដោយប្រាសាទនេះត្រូវបានសាងសង់ឡើងក្នុងសតវត្សទី១១។
ភ្នំសំពៅ
 |
| ទិដ្ឋភាពភ្នំសំពៅមើលពីចំងាយ |
ភ្នំសំពៅជារមណីដ្ឋានធម្មជាតិមួយដែលបានទាក់ទាញភ្ញៀវទេសចរណ៍ជាច្រើនជាមួយទេសភាព របស់ភ្នំសំពៅ។ ភ្នំសំពៅស្ថិតស្រុកឃុំសំពៅ ស្រុកបាត់ដំបងណ មានកំពស់ ១០០ម៉ែត្រ និងមានចំងាយ១២គីឡូម៉ែត្រពីកទីរួមខេត្ត ហើយនៅលើភ្នំសំពៅមានព្រះវិហារ និងល្អាងសំខាន់ៗគឺ ល្អាងផ្កាស្លា ល្អាងល្ខានល្អាងអសុភ។
អាងកំពីងពួយ អាងកំពីងពួយជារមណីយដ្ឋានសំរាប់ការកំសាន្តលំហែកាយមួយស្ថិតក្នុងភូមិតាង៉ែត ឃុំតាគ្រាម ដែលមានចំងាយ ៣៥គីឡូម៉ែត្រពីទីរួមខេត្ត។
អាងកំពីងពូយអាចផ្ទុកទឹកបានចំនួន១០០០០០០ម៉ែត្រគីមដែលជាប្រភពទឹកសំរាប់កសិកម្ម។
សេកសក
សេកសកជារមណីយដ្ឋានធម្មជាតិគេនិយមទៅកំសាន្តមួយដែលស្ថិតក្នុងឃុំត្រែង ស្រុករតនៈមណ្ឌល និងមានចំងាយ ៥០គីឡូម៉ែត្រពីទីរួមខេត្ត៕
No comments:
Post a Comment