 |
| បងស្រី និងប្អូនប្រុសលើភ្នំយ៉ាត |
ក្រុងប៉ៃលិនត្រូវបានចាត់ទុកជាតំបន់មួយដែលជាប្រភពនៃធនធានរ៉ែត្បួង និងជាអតីតតំបន់លាក់ខ្លួនរបស់ពួកខ្មែរក្រហមដ៏រឹងមាំមួយក្នុងចន្លោះឆ្នាំ ១៩៨០ ដល់ឆ្នាំ១៩៩០។ក្រុងប៉ៃលិនមានក្រឡាផ្ទៃ ៨០៤គីឡូម៉ែត្រការេ និងមានចំងាយ ៣៧១ពីរាជធានីភ្នំពេញតាមផ្លូវជាតិលេខ៥ និងលេខ១០។
រមណីយដ្ឋានទេសចរណ៍សំខាន់ៗក្នុងក្រុងប៉ៃលិន
ភ្នំយ៉ាត និងវត្តរតនសោភ័ណ
 |
| ទេសភាពដ៏ស្រស់ស្អាតលើភ្នំយ៉ាត |
ភ្នំយ៉ាតគឺជារមណីយដ្ឋានវប្បធម៌ និងប្រវត្តិសាស្ត្រមួយដែលស្ថិតក្នុងក្រុងប៉ៃលិន ភ្នំនេះចាប់ផ្តើមកសាងក្នុងឆ្នាំ១៩២២ ដោយជនជាតិកូឡាហើយវត្តភ្នំយ៉ាតត្រូវបានសាងសង់ចាស់សាងសង់ឡើងជារបៀបវត្តកូឡា។ នៅលើភ្នំយ៉ាតគេឃើញមានសំនង់បូរាណដូចជា ចេនឡាមណីចេតីយ៍តូចធំ និង អាស្រមជាច្រើន។ ភ្នំយ៉ាតមានកំពស់ ៦០ម៉ែត្រ និងក្រលាផ្ទៃ ៣០០០០ម៉ែត្រ ។
វត្តរតនសោភ័ណស្ថិតចំងាយ៥០ម៉ែត្រពីជើងភ្នំយ៉ាតដែលវត្តនេះរបង និងទ្រង់ទ្រាយវត្តគួរអោយជាទីគយគន់ជាមួយនិងចំលាក់រចនាដ៏ល្អប្រណិតដែលរៀបរាប់ពីរឿងកូមហាសមុទ្រទឹកដោះ។
អួរអែប
អូរអែបជាតំបន់រមណីដ្ឋានចាស់មួយស្ថិតក្នុងសង្កាត់អួរច្រាស ខ័ណ្ឌប៉ៃលិន ដែលមានចំងាយ ១០គីឡូម៉ែត្រពីទីក្រុងប៉ៃលិន។ តំបន់រមណីយដ្ឋាននេះជាតំបន់ទឹកធ្លាក់សំរាប់បំរើការងូតទឹកកំសាន្ត និងលំហែកាយ។
ភ្នំកុយ
ភ្នំកុយជាតំបន់ទេសចរណ៍ធម្មជាតិស្ថិតក្នុងសង្កាត់ស្ទឹងកាច់ ខ័ណ្ឌសាលាក្រៅ ដែលមានចំងាយ ២០គីឡូម៉ែត្រពីក្រុងប៉ៃលិន។
អួរតាវ៉ៅ
អួរតាវ៉ៅជារមណីយដ្ឋានធម្មជាតិស្ថិតក្នុងសង្កាត់អូតាវ៉ៅ ខ័ណ្ឌប៉ៃលិនមានចំងាយ៥គីឡូម៉ែត្រពីក្រុងប៉ៃលិនដោយអួរតាវ៉ៅមានធម្មជាតិស្រស់បំព្រង និងមានប្រភពទឹកមកពីភ្នំខៀវ៕
No comments:
Post a Comment