ខេត្តកំពត
ខេត្តកំពតជាខេត្ដមួយស្ថិតនៅប៉ែកខាងត្បួងនៃប្រទេសកម្ពុជាដែលមានប្រភពនៃការផលិតផលអំពិលមួយប្រចាំប្រទេសកម្ពុជា។ ខេត្តកំពតមានផ្ទៃក្រឡាសរុបចំនួន ៤៨៧៣ គីឡូម៉ែត្រការេ និងមានចំងាយ ១៤៨គីឡូម៉ែត្រពីរាជធានីភ្នំពេញតាមផ្លូវជាតិលេខ៣។
រមណីយដ្ឋានទេសចរណ៍សំខាន់ៗក្នុងខេត្តកំពត
ភ្នំបូគោ
ភ្នំបូគោជារមណីយដ្ឋានមួយដែលមានចំងាយ ៤២គីឡូម៉ែត្រពីក្រុងកំពត។ ភ្នំបូគោមានកំពស់ ១០៧៥ម៉ែត្រ ហើយលើភ្នំនោះមានសំណង់ដែលបន្សល់ទុកតាំងពីសម័យកម្ពុជាស្ថិតក្រោមអាណាគមបារាំងដែលមាន សណ្ឋាគារ កាស៊ីនូ ព្រះវិហារ ផ្ទះ ។ល។ នៅលើកំពូលភ្នំយើងអាចមើលឃើញទេសភាពដ៏ស្រស់បំព្រងនៃខេត្តកំពត ខេត្តព្រះសីហនុ ពិសេសជាមួយដុំពពកដែលអណ្តែតនៅលើកំពួលភ្នំនេះ និងផ្ទៃសមុទ្រខៀវស្រងាត់ដ៏ធំល្វឹងល្វើយ។
ភ្នំកំពង់ត្រាច
ភ្នំកំពង់ត្រាចរមណីយដ្ឋានធម្មជាតិមួយស្ថិតក្នុងឃុំដំណាក់កន្ទួតខាងត្បូង ស្រុកកំពង់ត្រាចដែលមានចំងាយ ៤៨គីឡូម៉ែត្រពីក្រុងកំពត។ ភ្នំកំពង់ត្រាចមានផ្ទះថ្ម និងរូងល្អាងថ្មជាច្រើនសំរាប់អោយភ្ញៀវទេសចរមកទស្សនាកំសាន្ត។
ទឹកឈូ
ទឹកឈូរជារមណីយដ្ឋានធម្មជាតិមួយដែលស្ថិតក្នុងឃុំភូមិស្នំប្រាំពីរ ឃុំម៉ាក់ប្រាង ស្រុកកំពត និងបានទាក់ទាញភ្ញៀវទេសចរជាតិ អន្តរជាតិជាច្រើនដោយសារទេសភាពធម្មជាតិនៅតំបន់នេះ និងទឹកជ្រោះដែលហូរធ្លាក់ពីភ្នំនៅតំបន់ក្បែរនោះ។
កោះទន្សាយ
កោះទន្សាយជារមណីយដ្ឋានល្អប្រណិតមួយដែលមានចំងាយ ៤,៥គីឡូម៉ែត្រពីក្រុងកំពត់។ កោះទន្សាយមានឆ្នេរខ្សាច់ស្រស់ស្អាត់បែបធម្មជាតិ និងក្រោមទឹកមានផ្កាសមុទ្រ សត្វសមុទ្រ និងរុក្ខជាតិជាច្រើនសំរាប់ជាទីកំសាន្តរបស់ភ្ញៀវទេសចរដែលមកទស្សនាកំសាន្តនៅតំបន់នេះ៕
No comments:
Post a Comment