ខេត្តស្វាយរៀង
ខេត្តស្វាយរៀងជាតំបន់សេចដ្ឋកិច្ចសំខាន់ និងជាច្រកព្រំដែនដ៏មមារញឹកមួយរវាងប្រទេសកម្ពុជា និងប្រទេសវៀតណាម។ ខេត្តស្វាយរៀងស្ថិតខាងត្បូងឈៀងខាងកើតនៃប្រទេសកម្ពុជា ដែលមានផ្ទៃក្រឡាសរុប ២៩៦៦គីឡូម៉ែត្រការេ និង មានចំងាយ១២២គីឡូម៉ែត្រពីរាជធានីភ្នំពេញតាមផ្លូវជាតិលេខជាតិលេខ១។
រមណីយដ្ឋានទេសចរណ៍សំខាន់ៗក្នុងខេត្តស្វាយរៀង
ព្រៃបាសាក់
ព្រៃបាសាក់ មានទីតាំងក្នុងស្រុកស្វាយរៀងដែលមានចំងាយ ៨,៥គីឡូម៉ែត្រ ពីទីរួមខេត្ត។ រមណីយដ្ឋានព្រៃប្រាសាក់មានទីតាំងភូមិសាស្ត្រជាដីទួលមួយ ដែលមានទីតាំងពីសម័យបុព្វកាល ជំនាន់មុន ជាទិកន្លែងទីទួលប្រាសាទជំនាន់ដើម ប៉ុន្តែត្រូវបាក់បែកខ្ទេចខ្ទីរដោយសារសង្គ្រាមបង្កឡើងដោយពុំមានបន្សល់ទុកនូវស្លាកស្នាមវត្ថុបុរាណទាំងនោះឡើយ។
ព្រំដែនអន្តរជាតិបាវិត
ព្រំដែននេះមានចំងាយ ៤៨គីឡូម៉ែត្រ ពីទីរួមខេត្តស្វាយរៀង ដែលជាព្រំប្រទល់ជាមួយប្រទេសវៀតណាម។ បាវិតជាច្រកចេញចូលអន្តរជាតិមួយយ៉ាងសំខាន់រវាងកម្ពុជា និងវៀតណាមជាពិសេសរវាងទីក្រុងភ្នំពេញ និងទីក្រុងហូជូមិញ ហើយតំបន់មានកាស៊ីនូ ផ្សារ និងកន្លែងផ្ទុកផ្ទេរទំនិញរវាងកម្ពុជា និងវៀតណាម៕
No comments:
Post a Comment