 |
| ទិដ្ឋវាលស្រែនាខែប្រាំងក្នុងខេត្តពោធិសាត់ |
ខេត្តពោធិសាត់
ខេត្តពោធិសាត់ ជាខេត្តមួយដែលមានស្នាដៃខាងចំលាក់ថ្មកែវ ហើយបើនិយាយពីខេត្តពោធិសាត់យើងនិងនឹកដល់ក្រួចពោធិសាត់។ ខេត្តពោធិសាត់មានផ្ទៃក្រឡាសរុប ១២៦៩២គីឡូម៉ែត្រ និងមានចំងាយ១៨៩គីឡូម៉ែត្រពីរាជធានីភ្នំពេញតាមផ្លូវជាតិលេខ៥។
រមណីយដ្ឋានទេសចរណ៍សំខាន់ៗក្នុងខេត្តពោធិសាត់
បូជនីយដ្ឋានអ្នកតាឃ្លាំងមឿង
បូជនីយដ្ឋានអ្នកតាឃ្លាំងមឿង ជាបួជនីយដ្ឋានប្រវត្តិសាស្ត្រមូយក្នុងប្រទេសកម្ពុជា ស្ថិតក្នុងឃុំស្នាមព្រះស្រុកបាកាន ដែលមានចំងាយ ៦គីឡួម៉ែត្រពីរាជធានីភ្នំពេញ។
បូជនីដ្ឋាននេះមានទាក់ទងនិងប្រវត្តិសាស្ត្រមេទ័ព្ធខ្មែរ គឺអ្នកតាឃ្លាំងមឿងដែលត្រូវបានក្លាយជាកន្លែងសក្ការៈបូជា និងបន់ស្រន់មួយក្នុងខេត្តពោធិសាត់។
កំពង់លួងជារមណីយដ្ឋានធម្មជាតិស្ថិតលើបឹងទន្លេសាបក្នុងឃុំកំពង់លួង ស្រុកក្រគរ ដែលមានចំងាយ ៣៥គីឡូម៉ែត្រពីទីរួមខេត្តពោធិសាត់។
តំបន់នេះជាកន្លែងសំរាប់ងូតទឹកកំសាន្តនៅរដូវ ប្រាំងនៃផ្ទៃទឹកបឹងទន្លេសាប ហើយក្នុងរដូវប្រាំងប្រជាជនជប់ជុំគ្នាលេងចោលទឹកកំសាន្តក្នុងបុណ្យភ្ជុំបិណ្ឌ។
បាក់ត្រា
បាក់ត្រាជារមណីយដ្ឋានធម្មជាតិដែលមានចំងាយ ១៦គីឡូម៉ែត្រ ពីទីរួមខេត្ត ដោយរមណីយដ្ឋានភ្នំតូចមានកំពស់ ៥០ម៉ែត្រ មានផ្ទាំងថ្មធំៗ និងទឹកអូរមានទឹកជាប្រចាំដោយមានអណ្តូងទឹកធម្មជាតិ៕
No comments:
Post a Comment