ខេត្តបន្ទាយមានជ័យ
ខេត្តបន្ទាយមានជ័យស្ថិតនៅប៉ែកពាយ័ព្យនៃប្រទេសកម្ពុជានៅជាប់និងព្រំប្រទល់ប្រទេសថៃ ដែលមានចំងាយ ៣៥៩គីឡូពីរាជធានីភ្នំពេញតាមផ្លូវជាតិលេខ៥។ ខេត្តបន្ទាយមានជ័យមានក្រឡាផ្ទៃសរុប ៦៦៧៩គីឡូការេ។
រមណីយដ្ឋានទេសចរណ៍សំខាន់ៗក្នុងខេត្តបន្ទាយរមានជ័យ
ភ្នំបាក់ និងភ្នំជញ្ជាំង
ភ្នំបាក់ និងភ្នំជញ្ជាំងជារមណីយដ្ឋានធម្មជាតិ និងវប្បធម៌ ស្ថិតក្នុងស្រុកសិរីសោភ័ណ្ឌ ដែលមានចំងាយ ៥គីឡូម៉ែត្រពីទីរួមខេត្ត និង៣៦៥គីឡូម៉ែត្រពីរាជធានីភ្នំពេញ។ រមណីយដ្ឋាននេះមានផ្ទាំងថ្មធំៗគួរជាទីទស្សនាពិសេសនៅមានរោងល្អាងភ្នំក្រោមដីដែលមានជំរៅ ១២ម៉ែត្រ និងផ្ទៃ ១០ម៉ែត្រការេ។
ល្អាងភ្នំតូច
ល្អាងភ្នំតូចជារមណីយដ្ឋានធម្មជាតិ និងវប្បធម៌ក្នុងស្រុកមង្គលបូរី ដែលមានចំងាយ ២៨គីឡូម៉ែត្រពីទីរួមខេត្ត និង៣៣២គីឡូម៉ែត្រពីរាជធានីភ្នំពេញ។
អាងទឹកកងវ៉ា
អាងទឹកកងវ៉ាស្ថិតក្នុងស្រុកសិរីសោភ័ណ្ឌ ដែលមានចំងាយ ៤គីឡូម៉ែត្រពីទីរួមខេត្ត និង ៣៦៤គីឡូម៉ែត្រពីរាជធានីភ្នំពេញ។ តំបន់ជារមណីយដ្ឋានធម្មជាតិសំរាប់អោយភ្ញៀវទេសចរងូតទឹកកំសាន្ត ស្ទួចត្រី ជិះទួកលេងកំសាន្ត អាងទឹកកងវ៉ាត្រូវបានសាងសង់ឡើងក្នុងរបបខ្មែរក្រហមសំរាប់យកទឹកធ្វើស្រែប្រាំង។
ប្រាសាទបន្ទាយឆ្មា
ប្រាសាទបន្ទាយឆ្មាជារមណីយដ្ឋានប្រវត្តិសាស្ត្រមួយស្ថិតក្នុងស្រុកថ្មពួក ដែលមានចំងាយ ៥៩គីឡួម៉ែត្រពីទីរួមខេត្ត និង ៤១៩ពីរាជធានីភ្នំពេញ។ ប្រាសាទបន្ទាយឆ្មាត្រូវបានសាងសង់ឡើងចន្លោះសតវត្សរ៍ទី១២ និង ១៣ ហើយក្រៅពីប្រាសាទបន្ទាយឆ្មាក៏នៅមានប្រាសាទមួយចំនួនដែលមានក្នុងខេត្តបន្ទាយមានជ័យ ដូចជា ប្រាសាទបន្ទាយទ័ព ប្រាសាទព្រះឈរ ប្រាសាទប្រាំ ជាដើម៕
No comments:
Post a Comment