ទន្លេមេគង្គ និងទន្លេសាបជាប្រភពផ្គត់ផ្គង់ដ៏សំខាន់សំរាប់ប្រជាជនកម្ពុជា ដោយសារវាជាប្រភពផ្គត់ផ្គង់ទឹកប្រើប្រាស់ ប្រភពការនេសាទ ប្រភពគមនាគមន៍ និងដឹកជញ្ជូន ពិសេសជាជំរកសំរាប់ហ្វូងមច្ឆា។
វិស័យចំបងទាំងបីរបស់ប្រទេសកម្ពុជាមានចំនួនបីគឺ វិស័យទេសចរណ៍ វិស័យកសិកម្ម និងវិស័យឧស្សាហកម្ម។
ប្រទេសកម្ពុជាមាន២៤ខេត្ត-ក្រុង ដោយក្នុងនោះក្រុងភ្នំពេញជារាជធានីនៃប្រទេសកម្ពុជា ហើយក៏ជាទីក្រុងដែលមានការអភិវឌ្ឍន៍ច្រើនជាងគេក្នុងចំណោមខេត្តក្រុងទាំងអស់។
ខ្ញុំនិងបង្ហាញប្រិយមិត្តទាំងអស់គ្នានូវសេចក្តីសង្ខេបពីខេត្តក្រុង និង រមណីយដ្ឋានទេសចរណ៍សំខាន់មួយចំនូនដែលមានក្នុងប្រទេសកម្ពុជាដូចមានខាងក្រោម។
រាជធានីភ្នំពេញ
ភ្នំពេញគឺជាទីក្រុង និងជាបេះដូងនៃព្រះរាជាណាចក្រកម្ពុជា ហើយក៏ជាកន្លែងដែលមានមនុស្សរស់នៅច្រើនជាងគេក្នុងប្រទេសកម្ពុជា។
រាជធានីភ្នំពេញមានផ្ទៃក្រឡា ៧៥៨គីឡូម៉ែត្រការេ ហើយជាទីកន្លែងសំរាប់ប្រកួតប្រជែងទីផ្សារពាណិជ្ជកម្ម សេដ្ឋកិច្ច ទំនាក់ទំនងការបរទេស នយោបាយ ការអភិវឌ្ឍន៏។
រមណីយដ្ឋានទេសចរណ៍សំខាន់ៗក្នុងរាជាធានីភ្នំពេញ
 |
| ព្រះបរមរាជរាំង |
ព្រះបរមរាជរាំង
ព្រះបរមរាជវាំងមានទីតាំងនៅតាមបណ្តោយមហាវិថីសុធារស សាងសង់ឡើងនៅឆ្នាំ១៨៦៦ក្នុងរជ្ជកាលហ្លួងនរោត្តម។
នៅក្នុងព្រះរាជរាំងមាន៖
- ប្រាសាទទេវាវិនិឆ្ឆ័យ ជាកន្លែងដែលព្រះមហាក្សត្រឡើងគ្រងរាជ។
- ប្រាសាទខេមរិន្ទ ជាកន្លែងដែលព្រះមហាក្សត្រ និងអគ្គមហេសីគង់នៅ។
- ប្រាសាទសំរានភិរម្យ ជាកន្លែងដែលព្រះមហាក្សត្រឡើងគង់លើដំរីរាជ្យ។
- ហោរបាគួ ឬ ហោរព្រះខ័ណ ជាកន្លែងដែលពទុកដាក់វត្ថុសំរាប់សោយរាជ្យ។
- ច័ន្ទឆាយាម ជាកន្លែងដែលគេហាត់រាំ របាំព្រះរាជ្យទ្រព្យ និងរបាំថ្វាយព្រះមហាក្សត្រព្រះញ្ញាតិវង្សានុវង្ស និងពូកមន្ត្រីជាន់ខ្ពស់។
- វត្តព្រះកែមរកត ជាកន្លែងសំរាប់ព្រះមហាក្សត្រកាន់ឧបបោសថសីលជារៀងរាល់សីល និងក៏ជាកន្លែងសំរាប់ព្រះញ្ញាតិវង្សានុវង្ស និងនាម៉ឺនមន្ត្រីប្រារព្ធពិធីបុណ្យផ្សេងៗតាមទំលៀមទំលាប់។
 |
| វត្តភ្នំក្នុងទសវត្សរ៍៦០ |
វត្តភ្នំ
វត្តភ្នំជាកន្លែងទេសចរណ៍សំខាន់សំរាប់រាជាធានីភ្នំពេញបន្ទាប់ពីព្រះបរមរាជរាំង ហើយជាកន្លែងមួយតំណាងឲ្យរាជធានីភ្នំពេញផងដែរ។
វត្តភ្នំមានកំពស់ ២៧ ហើយមានចេតីយ៍ និងព្រះវិហារមួយនៅលើកំពូលភ្នំ។
វិមានឯករាជ្យ
វិមានឯករាជ្យមានកំពស់២៩ម៉ែត្រត្រូវបានកសាងឡើងក្នុងឆ្នាំ១៩៥៥ ហើយវិមាននេះគឺវិមានដែលតំណាងអោយភាពឯករាជ្យរបស់ប្រទេសម្ពុជាដែលរួចចេញពីការគ្រប់គ្រងដោយប្រទេសដទៃ។
សារមន្ទីជាតិ
សារមន្ទីជាតិមានទីតាំងនៅខាងជើងជាប់ព្រះបរមរាជវាំងដែលបានសាងសង់ឡើងក្នុងឆ្នាំរវាងឆ្នាំ ១៩១៧ដល់ឆ្នាំ១៩១៨។
សារមន្ទីជាតិមានតាំងបង្ហាញវត្ថុបុរាណជាច្រើន រួមមានស្នាដៃខាងសា្ថបត្យកម្ម ខាងសាសនា សិល្បៈខ្មែរ និងវត្ថុផ្សេងដែលបន្សល់ពីសម័យបុរេប្រវត្តិសាស្ត្រ សម័យនគរភ្នំចេនឡា និងសម័យក្រោយអង្គរ។
សារមន្ទីរប្រល័យពូជសាសន៍ទួលស្លែង និង វាលពិឃាតបឹងជើងឯក
សារមន្ទីប្រល័យពូជសាសន៍ទួលស្លែង
សារមន្ទីប្រល័យពូជសាសន៍ទួលស្លែង ពីដើមឡើយគឺជាវិទ្យាល័យមួយដែលមានឈ្មោះថា វិទ្យាល័យទួលស្លែង ប៉ុន្តែកំឡុងឆ្នាំ១៩៧៥ ដល់១៨៧៩ សាលានេះបានក្លាយជាគុកសំរាប់ឃុំឃាំង និងធ្វើទារុណកម្មលើប្រជាពលរដ្ឋកម្ពុជារាប់ម៉ឺននាក់ដោយភាគច្រើនបានស្លាប់ សារមន្ទីប្រល័យពូជសាសន៍ទួលស្លែងមានភ្ញៀវចូលទស្សនាជាមធ្យម៥០នាក់ក្នុងមួយថ្ងៃ។
វាលពិឃាតបឹងជើងឯក
វាលពិឃាតបឹងជើងឯកមានចំងាយប្រមាណ១៥គីឡូម៉ែត្រពីទីក្រុងភ្នំពេញ គឺជាកន្លែងដែលពួកខ្មែរក្រហមបញ្ចូនប្រជាជនកម្ពុជាមកសំលាប់បន្ទាប់ពីការសួរចំលើយ និងធ្វើទារុណកម្មនៅគុកទួលស្លែងរួចមក។
ផ្សារធំថ្មី និង ផ្សារទួលទំពួង
ផ្សារទាំងពីរនេះជាផ្សារដែលទាក់ទាញភ្ញៀវទេសចរណ៍ជាច្រើនជាងគេក្នុងរាជធានីភ្នំពេញ។
 |
| ផ្សារធំថ្មីនាទសវត្សរ៍ទី៦០ |
ផ្សារធំថ្មី
ផ្សារធំថ្មី ជាផ្សារចំណាស់មួយដែលមានការរចនាល្អប្រណិតក្នុងរាជធានីភ្នំពេញដែលត្រូវបានសាងសង់ឡើងរវាងឆ្នាំ១៩៣៧ ដល់ឆ្នាំ១៩៣៧ ហើយកំពុងតែមានការជួសជុលសព្វថ្ងៃ។
ផ្សារទួលទំពួង
 |
| ទិដ្ឋភាពលក់ដូរក្នុងផ្សារទូលទំពូង |
ផ្សារទួលទំពួងបានក្លាយជាផ្សារសំរាប់អ្នកទេសចរណ៍បរទេសក្នុងទស្សវតរ៍១៩៨០ មួលហេតុដែលផ្សារទួលទំពួងត្រូវបានភ្ញៀវទេចរណ៍តែងតែហៅថាផ្សាររូស្ស៊ីគឺដោយសារពីមុនមានជនជាតិរូស្ស៊ីបានមកទិញទំនិញនៅផ្សារនេះច្រើន៕
No comments:
Post a Comment